Стрічі Русинів в Пряшові

Містна орґанізація Русиньской оброды на Словеньску в Пряшові собі Вас доволює запросити на дві події, котры ся одбудуть в слідуючіх днях в рамках проєкту „Клубовы вечоры карпатьскых Русинів“.

3-го децембра 2015 р. о 16.00 год.

Штудіо Русин ФМ – отворіня штудіа в Пряшові. За участи пряшівскых Русинів бісіда із директором радіа Інж. П.Штефаняком і проґрамовым директором Мґр. П.Медвідьом з Пряшова о роботі редакторів і о проґрамі Говорить Пряшів.

5-го децембра 2015 р. о 9.00 год.

Поклона Духновічови – До Пряшова прийде делеґація із Польщі в рамках Дня Русинів в Польщі поклонити ся будительови вшыткых Русинів. З той нагоды одбуде ся ту стріча з пряшівскыма Русинами і бісіда о найновшых новинах в русиньскім світі. Гостьом буде Боґдан Ґамбаль.

Стрічі одбудуть ся в Просторах Словацького народного музею – Музею Русиньской културы на Масариковій ул. ч. 20 в Пряшові. Подія была підпорена Урядом влады Словацькой републікы – проґрам Култура народностных меншын 2015.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА