Стріча з циклю Моя Мала Вітчызна: „Сам на сам з Лемковином” (фото/авдийо)

19. квітня 2015 р. в Полянах (к. Крениці) проходила І Стріча з циклю Моя Мала Вітчызна: “Сам на сам з Лемковином”, орґанізувана Стоваришыньом для розвитку села Поляны, котра проходила в татмтышнім Народным Домі (Dom Ludowy w Polanach).

Просиме на реляцию з той подіі, в рамках котрой вызвучат:

• реґіональны приспівкы співаны ансамбльом з Чырной,
• концерт Хору православной парафіі св. Владиміра в Креници,
• спомины “нашых дідів”,
• выклад і презентация про Акцию “Вісла”.

Специяльным гостьом стрічы в Полянах был Петро Мурянка-Трохановскій з Крениці, котрий оповіл про свого приятеля, великого вродженця Полян, лемківского етноґрафа, основателя хору Журавлі – Ярослава Поляньского.

Сердечні дякуєме п. Миколайови Ґричови за присланя материялів зо стрічы в Полянах до редакциі лем.фм.

Долов позерайте на ґалерию знимок, а на радийову реляцию просиме днес (понедільок 20. квітня 2015 рока) о 20.00 год.