Стріча з проф. Янушом Ріґером, автором книжкы „Słownictwo i nazewnictwo łemkowskie”

Карпатскє Товариство в Варшаві просит на наступну стрічу пн. На пути Лемковины – зо споминів і досліджынь языкознавці-туристы, з циклю Карпатскых Стріч орґанізуваных Товариством. Тым разом запрошеным гостьом є проф. Януш Ріґер, якій буде бесідувал про значыня волошского елементу для проблему колонізациі Лемковины, про автохтонізм Лемків та про польскє і словацкє влияня на лемківскій язык. Окрем того, част прелекциі посвячена буде проблемови заниканя лемківского языка в Польщы і пробам його ревіталізациі.

Стріча буде проходила 17. квітня т.р. о 18.00 год. в Музею Землі Польской Академіі Наук в Варшаві (ал. На Скарпі 27).

Януш Ріґер (вр. 20.08.1934 р в Кракові) – професор, польскій языкознавця, выкладовця Варшавского Університету, професор філолоґічных наук Польской Академіі Наук. Выкладал на Лудзьскым Університеті та на Католицкым Любельскым Університеті. Єст членом Наукового Варшавского Товариства, Комітету Языкознавства і Славянознавства ПАН.
Занимат ся польскым языком на Сході, історийом украіньского і росийского языка, славяньском ономастыком і языковыма влиянями.

Серед опубликуваных книжок його авторства находит ся книжка Słownictwo i nazewnictwo łemkowskie печатана в 1995 році. В книжві поміщено розділ, будучий лемківскым словником, спис лемківскых місцевых і тереновых назв та словник лемківскых назвиск.

Книжку можете выпожычыти в бібліотеці Руской Бурсы.