Стріча з Марошом Крайняком во Вроцлаві

В суботу, 5. грудня/децембра 2015 р., в столици Нижнього Шлеска одбуде ся стріча з Русином родом з Пряшівской Руси – Марошом Крайняком.

Стріча зачне ся о 18.00 год. в Бібліотеці Міста Вроцлав “MEDIATEKА” (пл. Театральний 4).  Марош Крайняк то автор тзв. лемківской трилоґіі, на котру складают ся Карпатія (2011), Ентропія (2012) і Інформация (2013). Всітри были номінуваны до престіжной нагороды Анасофт Літера 2014 – найважнійшой літерацкой нагороды на Словациі.

На стрічы, окрем автора трилоґіi буде присутна тіж тлумачка його творів на польскій язык – Вероніка Ґоґоля, котра дотепер перевела твір Карпатія, але уж робит над Інформацийом (в польскым языку має ся вказати в будучым році).  Друга част, Ентропія (в тлумачыню Мілоша Валіґурского) по польскы была печатана в 2015 р.

Карпатія, Ентропія і Інформация то книжкы, в котрых автор роздумує над будучым Русинів не лем з його рідной Пряшівкой Руси, але його істория односит ся і до інчых русиньскых (і не лем) територий – Лемковины і Підкарпатской Руси та дальшых земель (м.ін. еміґрантскых пунктів Русинів як Братислава). Крайняк в своій прозі односит ся тіж до реальных героіх, часто знаных. Сут то  особы вміщены в сучасны та історычны подіі (напр. Енді Варголь, ци Теодор Ґоч), а выступлюют они попри інчых – выдуманых автором – героях і ситуациях. Лемківска трилоґія то історийософічна анализа близкого авторови світа.

Більше інформаций – долов на заміщеным афішы.

Марош Крайняк (нар. 1972 р.) – походит з Вышньой Ядловой к. Свидника на Пряшівскій Руси, тепер жыє і працує в Братиславі. Головным фоном його творів єст русиньскій світ, піддаваний глубокым анализам, котры дают чытачови цікавий позір на нашу історию. Крайняк гостил м.ін. в 2012 р. на ХХ Лемківскій Творчій Осени, єст лавреатом ріжных літерацкых нагорід. Веце про особу Мароша Крайняка – за тым мотузком.