Стріча з консульом Польской Республикы в Украіні

24. квітня 2015 рока в Ужгороді проходила стріча ведучого Руской Бурсы дра Павла Малецкого з консульом Польской Республикы в Украіні, паном Марияном Орліковскым. Бесідувано про  проблем віз і запрошынь для Лемків, выселеных на Украіну в сороковых роках. Дискутувано тіж над скуточныма розвязанями, котры дозволят Лемкам з Украіны одвиджувати села своіх предків, як і брати участ в соспільных подіях на Лемковині.
Стоваришыня Руска Бурса з медияльном ґрупом лем.фм од вельох років веде діяльніст, котра принимат за свою ціль інтеґрацию Лемків-Русинів зо вшыткых держав, в якых жыют. Особливо через медияльну і репортерску діяльніст, але тіж в помаганю отримати візу і поміч в контактах з урядами.