Стріча при Дунаю о замку Маковіця

Здружіня інтеліґенції Русинів Словеньска сердечно запрошать на далшу подію із ціклу під назвов Стрічі при Дунаю. Лекція буде тот раз присвячена Зборівскому замку (історічно замок Маковіця).

Лекцію буде мати Владимір Каміньскый, председа Обчаньского здружіня на всокочіня Зборівского замку. Темов його лекції буде історія, міфы, леґенды о замку, як і актуалности о всокочіню памяткы історічного реґіона Маковіця.

Частьов вечора буде і промітаня документарного філму із реконштрукції замку. Стріча одбуде ся дня 25-го новембра 2015 о 17.00 год. у Конґресовім центрі Высокошкольского інтернату Універзіты Коменьского Дружба в Братіславі (Botanická 25).

Подія є реалізована із фінанчнов підпоров Уряду влады Словацьккой републікы в рамках проґраму Култура народностных меншын 2015.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА