Спомин про Мирослава Сіладі

ВЕРБАС (Сербія) В просторах Культурного Дружства “Карпаты” 17 грудня 2013 рока одбыло ся зобраня, в часі котрого споминано Мирослава Силадія, передвчасно гмерлого руснацкого журналісту і культурного діяча з Войводіны. Знаменитий і барз актывний діяч Руской Маткы, приятель лемківского радия ЛЕМ.фм, творця і аниматор культуры і інформуваня Мирослав Силаді упокоіл ся 30 грудня прошлого року.

То нагода жебы сме здогадли про нашого приятеля. Вшыткы знаме хто то был Мирослав Силаді, а найменше што можеме зробити, то жебы сме ся зобрали в його уродины і побесідували про памяткы, котры маме завдякы роботі з ним, з його родином і близкыма – повіл предсідатель КПД “Карпаты” Деян Загорянскій, а о Мирославі Силадьові і його роботі бесідувал тіж предсідатель Руской Маткы Дюра Папуґа, та інчы присутны члены Маткы, дружства “Карпаты”, його приятелі і спілпрацівникы.

Пред академійом в чест М. Силадія дружство “Карпаты” вказало театральне представліня пн. “Пан ловар“ Жоржа Фейдоа, в режисериі Дюры Макая, котру зробил Етно-клуб “Одняте од забуца” з Коцура.