Співаючий русиньскій писменник

Днес радийо Лем.фм желат многых і благых років Васильови Матолі, співаючому поеті з Підкарпатской Руси, нашому приятельови.

Василь Матола вродил ся в селі Івановці попри Мукачеві 10. марця 1960 р. Вчыл ся в Ужгородскым технікум електронных приборів. Робил як інжынєр, технолоґ, ци рядитель в вельох ріжных фірмах. Од 2005 рока співат в Заслуженым Закарпатскым Народным Хорі.

Василь Матола то русиньскій писменник і поета. Єст автором збіркы вершів „Пирші і не пуслідні сторінки” і “Русинська іконка”. За свою літературну роботу в 2005 році был нагороджений “Руском премійом”, признаваном за літературну творчіст в русиньскым і росийскым языках.

Василь Матола бере участ во фестівалях гумору. Його творы печатаны сут в підкарпатскым періодычных выдавництвах.

Русинська загадка для діточок.

Што такоє – на стовпі „Галя” ?
Угадай, брате муй, українцю.
Што такоє – у креденцу анцуг ?
Удагай, заклятый ты німцю.
Што такоє – шандарь і пендрик ?
Угадай ты, піченый мадяре.
Што такоє малинький погарчик ?
Угадай ты, мацкалю Іване.
Де в Мукачові „Красна голка” ?
Най угадать словак і чех,
А поляк най мені отвітіть
Ко такий є Валенса Лех ?
Де ся діла румуне границя,
Што із Луга тече у Бичків?
Презідент із якої Державы
На Говерлі пуд корча сів ?
Ко вгадав, тот зомнов щи ся бавіть,
Ко не знає – русина йзів!