Спіште ся! – конец марця близко

Припоминаме і фурт будеме припоминати. V Русиньскій Фестіваль во Свиднку пройде того рока в днях 22.-28. мая. А тото, же то подія гідна участи каждого Русина і Русинкы – тіж знаме. Тыжньовий фестіваль то не лем гуляня і скаканя на сцені, до чого сме привыкли на інчых подіях. Во Свиднику великій натиск кладений єст на рыхтуваня другых акций, што істо підносит його ранґу. Треба і тото підкрислити, же фестіваль приготовлює проґрам для вшыткых віковых катеґорий, в тым і замірений на молодіж і діти. В рамках тыжньового проґраму, фестіваль дає можніст взяти участ в презентациях русиньскых выдавництв, театральных пєс і дальшых стріч присвяченых істориі, культурі і языкови Русинів.

Послідні три вікендовы дни V Русиньского Фестівалю во Свиднику то уж чысто концертова част, яка проходит в місцевым амфітеатрі. На сцені мож позерати на професийональны і пілпрофесийональны русиньскы ансамблі, дітячы ґрупы, а і звізды вечера – знаны русиньскы і не лем музычны ґрупы.

З вікендовым шов во свидницкым амфітеатрі вяже ся тото, же білеты на тридньову част фестівалю в предпродажы сут о вельо туньшы. До кінця марця вступне мож придбати за 3 евро (од днес лишыли ся лем три дни). В квітни/апріли білеты будут продаваны уж за 6 евро, а од мая конечно за вступне треба буде дати 9 евро. Вшыткы деталі о преферуваных знижках і – што основне – місци, де мож придбати білеты в ліпшій ціні, найдете на сайті Русиньского Фестівалю во Свиднику. Шырше о найбільшым во світі русиньскым фестівали, котрого ЛЕМ.фм не перший рік являт ся медияльным партнером, чытайте на нашым портали.