Спільнота памяти – радийовы реляциі в ЛЕМ.фм – понедільок, 1. мая од 9.00 год.

В понедільок, 1 мая 2017 р., о 9.00 год. просиме слухати реляциі з Чертіжного, де 28. квітня/апріля зачали ся головны лемківскы упамятніня 70 річниці Акциі Вісла. Вводне слово і привитаня гости выголосит в імени орґанізаторів Олена Дуць-Файфер, а потім панахіду за жертвы Акциі Вісла одслужат о. Ярослав Чухта, парох грекокатолицкой парохіі в Высовій, і о. Ярослав Мадзелян, монах – студита зо Львова, котрого рід з Чертіжного. Повторіня реялциі з Чертіжного 1. мая о 15.00, 21.00 год. і 2. мая о 3.00 год. за русиньскым часом.

Ретрансмісия дальшых части упамятнінь, котры прошли в пятницю в Ґорлицях в Рускій Бурсі 1. мая 2017 р. о 10.00 год. Повторіня 1. мая о 16.00, 22.00 год. і 2. мая о 4.00 год. за русиньскым часом.