Спектакль „Лемко” на турецкых сценах

Турецка публика неодолга буде могла видіти спектакль Лемко (реж. Яцек Ґломб) граний ліґницкым театром ім. Гелены Моджеєвской.

То істория Ореста, котрий перед смертю хоче оповісти дітям подіі зо свого жытя, переплітаного траґедиями і веселыма хвилями. Істория, яку орестовы діти дотепер не барз хотіли выслухати. То істория не лем Ореста, але – на його примірі – і вельох выселеных з прадідных земель Лемків.

По премєровым выступліню в 2007 р., спектакль гостил на польскых і заграничных сценах, а тепер, в дн. 25.V – 2.VI вкаже ся в Турциі (Анталія – Державний Театр, Ізмір – Державний Театр, Мардін – Стоваришыня Артистычного Театру), даючы 4 представліня для тамтышньой публикы.

2014 рік то 600. річниця навязаня політычных польско-турецкых реляций, зато в Турциі, в рамках оголошеного з той нагоды Польского Рока, в 19. Медженародовым Татральным Фестівали находит ся дуже акцентів з Польщы, як і приведений спектакль Лемко.

Більше за мотузком: culture.pl