Смутный клавн, віршы і ґітары. Передаваня премії А. Духновіча за літературу

Сполок русиньскых писателїв Словакії вєдно із Пряшівсков універзітов в Пряшові – Інштітутутом русиньского языка і културы в кооперації з умелецьков аґентуров RUTHENIAN ART і Театром Александра Духновіча в Пряшові Вас позывають на літературный вечур під назвов Смутный клавн, віршы і ґітары або русиньска поезія дакус інакше.

Вечур є споєный з передаваньом Премії А. Духновіча за русиньску літературу 2015. В проґрамі зазвучать віршы русиньскых авторів Штефана Сухого, Юрка Харитуна, Валерія Купкы, Владіслава Сивого, Кветы Мороховічовой-Цвик і Даньєлы Капральовой. О музику і спів ся постарать Владіслав Сивый і Томаш Сивый. Декламовати будуть акторы Театру Александра Духновіча в Пряшові Іґор Латта, Людміла Козменкова, Зузана Ковалчікова, Ладіслав Ладомиряк. Сценарь і режію приготовила Яна Трущіньска-Сива.

Подія одбуде ся дня 25-го юна 2015 р. (четверь) о 19.00 год. на Великій сцені Театру Александра Духновіча в Пряшові. Проєкт быв підпореный Урядом влады Словацькой републікы – проґрам Култура народностных меншын 2015.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА