Слуховиско – Русенко выбране – пятниця, 17.30 год.

В днешнім Слуховиску клясик лемківской літературы Іван Русенко і його вершы під наголовком Чом ся Сват наш не оженил і Хто ма замір ся женити, або лекция з лемківской ґеоґрафіі з книжкы Русенко выбране, выданой Стоваришыньом Лемків, під редакцийом Петра Трохановского, яка вышла в 2010 році з нагоды 120. річниці народжыня і 50. річниці смерти писменника.

Іван Русенко – велика душа лемківского народу. По будителях XIX столітя, на пілніч од Карпат такой лем йому надано званя писане з великой буквы – Учытель. Його біоґрафію знає каждий, хто з любови і переконаня зове ся Лемком. Русенко вродил ся 19. січня 1890 р. в лемківскым селі Красна (Коростенка). Выхованок новосандецкой Руской Бурсы. В час І Світовой Войны жолнір Його Величества Франца Йосифа. В 1918 році вернул на Лемковину – сходил єй цілу, од східнього до західнього края. Глядал посады учытеля, хотіл вчыти лемкіскы діти, але доля не дала му той приємности. Мусіл вчыти в польскым селі Лютча коло Стрижова. В страшным 1945 році зас мусіл выіхати до СССР, де, з тугом за свойом Отчызном – Лемковином, котра, як писал – зараз за Саном, як за плотом, вмер 10. січня 1960 рока.

Премєра: 04.11. – 17.30 год.

Повторіня: 04.011. – 23.30 і 05.11. – 05.30 год.