Слуховиско – Піотр Ляхманн – «Выгнаня» по польскы – пятниця, 19.00 год.

В днешнім одтинку Слуховиска запрашаме на твір Піотра Ляхмана, німецкого меншынового поеты, есеісты, театрального режысера і тлумача. Вродил ся він в 1935 р. в Ґляйвітз/Ґлівицях. През замішаня (о чым будете чути в творі, якій презентуєме в Слуховиску) не был разом з матірю і сестром выгнаний в 1945 р. з рідного міста і гев, другій раз окрещений, кінчыл польскы школы, пак студиювал хімію на Шлезскій Політехніці. В 1985 р. выіхал до Західніх Німец, де скінчыл філософію, ґерманістику і театролоґію на університетах в Базель і Кельн. Його товры характеризує знаменитий спосіб оддзеркаляня етнічного погранича і парадоксів жытя помедже культурами. Текст был переведений з польского языка на лемківскій Варваром Дуць і находит ся в части Інспірациі Річника Руской Бурсы 2015.

Премєра: 26.08. – 19:00 год.

Повторіня: 27.08. – 01:00, 07:00 і 17:30 год.