«Слововиця» – посліднє інтервю з проф. Янком Рамачом – понедільок, 21.00 год.

В днешній вечер припомнеме особу проф. Янка Рамача, якій траґічно вмер 27. серпня/авґуста 2022 рока. По тій смутній інформациі дознали сме ся, же стріча редакторів ЛЕМ.фм і награня бесіды з Покійным была посліднім інтервю, якє в своім жытю проф. Я. Рамач дал до медий.

Проф. Янко Рамач вродил ся 22 марця 1955 р. в Рускым Керестурі (товдышня Югославія). Разом з братом Михалом Рамачом переложыл на войводиньскій стандард русиньского языка Святе Писмо, котре было выдане в 2019 р. Як раз о тым великым ділі і трудах в роботі перекладача бесідували сме з професором кінцьом липця/юлия 2022 р.

Більше інформаций о професорі Янку Рамачу найдете за тым мотузком.

«Слововиця» – проґрам о словах нашых і ненашых –  нажыво в каждый понедільок о 21.00 год. Повторіня: віторок, 5.00 год. і субота, 13.00 год.