«Слово» – Праздник Сошествія Святого Духа – неділя, 9.00 год.

Ісус Хрістос перед вознесіньом на небо обіцять Святого Духа апостолам. Мали перебыти в місті Єрусалимі, покы не будуть облечены силов із неба – то Святым Духом.

Діяня апостолів нам описують подію приходу Святого Духа на десятый день по вознесіню. Настав великый гукот, появили ся языкы якбы із огня над каждым із них. Святый Дух сходить в способі языка, жебы тым указати, же Він є приношательом правдивой єдности. Коли хоче чоловік будовати єдность без Бога, таке діло ся розпаде, подобно як вавілонска вежа. Там Бог помішав языкы тых, котры хотіли будовати вежу – то є свою пыху, своє імя.

Ту приходить Святый Дух творить єден Божый народ із многых народів, бо вшыткы їх розуміли, як говорили о великых Божых ділах. Святый Дух языками указує, же апостолы мають проповідати ку вшыткым народам. Спасіня є про вшыткых жытелів землі, хто мать одкрыте сердце.

Як бы із огня – огень давать світло, тепло і спалює. Так і они, жебы мали світло, жебы мали смілость в порповіданю, оголошаню євангелія і прповідали покаяня і одпущіня гріхів.

Тота обіцянка є і про нас. Мы сьме прияли Святого Духа при крещіню і міропомазаню, но каждого дня маме просити, жебы сьме мали Світло Святого Духа, жебы выдавати свідчіня хрістіаньского жывота, мати познаня свойой грішности, і просити одпущіня, словами молитвы: Царю небесный утішытелю… Слава Ісусу Хрісту!

В неділю, 12. юна 2022 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 12. юна о 12.00 год. і 13. юна о 2.00 год. за русиньскым часом.