«Слово» – Праздник Сошествія Святого Духа – неділя, 9.00 год.

Ісус Хрістос перед своїм вознесіньом говорить своїм ученикам, жебы перебывали в місті. Мають очековати приход Святого Духа. Ісус їм не повів коли, лем повів, чекайте. Ученикы чекають десять днів. Ісус їм не повів, кілко мають чекати. Лем, чекайте.

Они увірили а перебывали вєдно на молитвах. На десятый день приходить Святый Дух видимым способом. Під способом огняных языків. Чом якраз такый способ? Жебы указати, же як в Старім завіті через першенство людьского еґоізму і пыхы приходить розділіня, так теперь через приход Святого Духа вшыткы стають єднов душов.

Приход Святого Духа є в подобі огняных языків. Приходить запалити людьскы сердця любвов ку Богу. Але огень тыж окрім того, же давать світло і гріє, він тыж спалює. Апостолы мали ся розыйти по цілім світі проповідати Євангеліє, вести людей ку покаяню. Спальовати в них  кажду скверну, запалити в нас огень жывой любви ку Богу.

Святый Дух сходить на апостолів, котры суть позапераны. Давать їм смілость, же они сміло прповідають слово Єваггелія. Не смотрять уж не владыків того світа. Не боять ся переслідованя, ани смерти.

Святый Дух зышов нелем на апостолів, але та обіцянка належыть і нам. Святый Дух сходить і на нас при крещіню і міропомазаню. Але маме просити все о наповньованя Святым Духом, жебы сьме были свідками правдивой єдности, любви і смілости в голосіню ся ку Хрістови. Прото отворме днесь свої сердця Святому і Ожывляючому Духу. Слава Ісусу Хрісту!

В неділю, 20. юна 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 20. юна о 12.00 год. і 21. юна о 2.00 год. за русиньскым часом.