«Слово» – Неділя Томина – неділя, 9.00 год

Кeдь ся задумаме над роzположіньом святых апостолів, перед тым, як Ісус ся їм указав, пришовши через заперты двері, з єдной стороны то были слова жен, мы сьме виділи ангелів, камінь є одваленый. З другой перед нима было вшытко, што пережыли.

Виділи Ісуса пониженого, роспятого, мертвого. А так в їх сердці было волнованя. А нараз сам Господь перед нима. Кедь дакотры сі думають, же видять духа, Ісус такой реаґує на їх думкы. Дух не мать кости, а як видите, я мам. А єден із апсотолів, Тома, не быв там. Тогды йому радсотно голосять: Хрістос воскрес! Мы сьме го виділи. Но він повів, покы не дам палець до ран і руку до його ребра, не буду тому вірити.

А так знова ся затягли хмары невіры. Ту атмосферу приношать Тома. Но Ісус ся появив знова на восьмый день, а говорить Томови: Дай палець і дотуль ся ребра. Не будь не віруючій, но віруючій. Тома тогды скрикнув: Господь мій і Бог мій.

Тома сповідує Хріста в двох природах. Мы много раз так любиме давати Томови тот атрібут невіры. Но несправедливо. Тома потім увірив і засвідчів мученицьков смертьов. Але тоты слова Ісус адресує і ку нам. І мы сьме невіруючі, коли ся одхыляме од Божых заповідей. Коли переставаме вірити Божому слову. Не лем тогды, коли говорить радостны слова. Але і коли говорить напомянутя ці грозить вічныма карами. Коли собі з того нич не робиме а ідеме дорогов страстей і гріха, роскоші. Тогды і о нас платить невіруючі.

Але днешня неділя нам говорить, же є можна зміна. Называть ся Недільов антіпасхы – попертя, неґації Пасхы. Через невірство Томы. Але тыж і Недільов обновліня. Через віру апостола. Што і сам Господь потвердив: Ты єсь увірив…

Най і про нас буде днешня неділя утверджіньом у вірі у воскрерсіня. Не лем тым, же то голосиме нашыма словами при здравканю. Але жебы і наше внутро і наш жывот стверджовав тоты слова: Хрістос воскрес!

В неділю, 12. мая 2024 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 12. мая 2024 р. о 12.00 год. і 13. мая 2024 р. о 2.00 год. за русиньскым часом.