«Слово» – Неділя сліпого – неділя, 9.00 год.

Неділя сліпого говорить нам о выздравліню сліпого од народжіня. Ісус його выздравлять окремым способом. Плювнув на землю, зробив болота, помазав очі сліпому а послав го умыти ся до купальні Сілоам. Што і значіть посланый.

Тот чоловік так зробив а вернув ся видячім. Кідь приведженый перед жыдівску раду, він сміло описує своє вызадравліня Хрістосм. Кедь Жыде на нього налігають, жебы призднав, же Ісус є грішник, він одповів: Ці є грішник, то я не знам. Но єдно знам, же перед тым єм быв сліпый, а теперь виджу. Начальникы народа його выгнали. Ісус, кідь ся то дочув, нашов його а ся звідує: віриш в Божого Сына? А выздравленый потвердив: Вірю а поклонив ся.

Ісус тым выздравліньом хотів єднак указати на славу свого божества. Же Він є тот самый Сотворитель, котрый на початку сотворив чоловіка з пороху землі а вдыхнув йому бессмертну душу. І теперь хоснує тот способ в подобі слин і глины. Пришов одкрыти овелю тажшу сліпоту, як сліпоту тілесну. То є сліпоту душевну. Ньов тепріли начальникы ізраільского народа. Котры могли спознати Хріста, денно денні чітали Боже слово, котре говорило о Його приході. Но они явно перед тым выздравленым голосять: Не знаме одкы є.

А на іншім місці, кедь прийде Месія, нихто не буде знати одкы є, но о тім знаме, одкы є. Так ся одкрыла їх засліпеность сердця. Пришов подати правдиве світло тым, котры того хотять. Ісус позывать і нас ку світлу.

І нам хоче одкрыти очі нашого сердця, жебы сьме спознали правдиве світло. Жебы ся могли наповнити і на нас слова выздравленого із днешнього слова: Знам, же єм быв сліпый, а теперь виджу. Хрістос воскрес!

В неділю, 6. юна 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 6. юна о 12.00 год. і 7. юна о 2.00 год. за русиньскым часом.