«Слово» – Неділя Праотців – неділя, 9.00 год.

Неділя святых праотців указує нам приклады праведників Старого Завіта. Авраама, котрый быв слухняный Божому слову, і коли то про нього было тяжко.

Вышов із свойой землі, быв приготовленый пожертвовати свойого сына. В тых выпробованях быв вірный Господу. Приклад Ісаака, Якова, Ноя, Мойсея, святых пророків – они вшыткы іщі в Старім Завіті одповіли на Боже покликаня.

О тім говорить і днешнє Євангеліє, о запрошіню покликаных на свадьбляну вечерю. Но ту ся выгваряють закликаны – єден на поле, другый на волы, а третій на то, же ся оженив. Они представлюють тых, котры не прияли тото запрошіня.

Но тото слово односить ся і ку нам. Старозавітны люде не мали тілько благодати в порівнаню з нами. А кілько раз сьме подобны? Глядаме выгварькы, жебы сьме не мусили одповісти на Боже покликаня. Про єдного робота, далшый роскошы, далшый богатство.

Но чуєме і слово напомянутя . Нихто із покликаных не буде їсти із мойой вечері. Бо много є покликаных, но мало выбраных. Прото мольме ся ку святым праотцям, жебы сьме наслідовали їх приклад і могли належати ку выбраным. Слава Ісусу Хрісту!

В неділю, 26. децембра 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 26. децембра о 12.00 год. і 27. децембра о 2.00 год. за русиньскым часом.