«Слово» – 8-ма неділя по Сошествії Святого Духа – неділя, 9.00 год.

Подія днешнього слова о чудеснім ділі розмножіня хлібів є науков не лем про апостолів і тых людей, котры были того свідками. Як Ісус хотів своїх учеників научіти, жебы Йому довіряли в каждій сітуації. Вы їм дайте їсти.

А ученикы: Маме лем пять хлібів і дві рыбы. А Ісус на то: Принесьте мі їх ту. А Ісус роздавать ученикам і ученикы народу. А вшыткы ся понаїдали. Іщі ученикы назберали дванадцять повных кошів.

Так днешнє слово є адресована і ку нам вшыткым. Вы їм дайте їсти – говорить о помочі і любви ку ближньому. Учіть нас видіти в нашім ближнім самого Господа Ісуса. А Він сам то приписує собі словами: Што вы зробили єдному з найменшых, то мі сьте зробили.

Тыж тото слово є адресоване ку священикам і єпіскопам, котры дістали превелику багодать і владу – давати їсти людям Тіло і Кров самого Господа. Ісус тоту владу уділив при Тайній вечері: Тото робте на мою памятку. Так є велика одповідность на плечах каждого єпіскопа і священика, жебы выповнив тоты слова: Дайте їм вы їсти. Каждый єпіскоп і священик є посланый, жебы роздільовав народу Тіло і Кров самого Господа, Владыкы неба і землі. А біда тому, хто так не буде робити.

Прото просьме о благодати, жебы сьме одповіли на запрошіня Ісуса – дайте їм вы їсти. А Ісус нам одповідь в дні суда: Вы сьте мі дали їсти у ваших ближніх, прото подьте а будьте наслідниками мого Царьства. Слава Ісусу Хрісту!