«Слово» – 18-та неділя по Сошествії Святого Духа – праздник Воздвиженія Честного Креста – неділя, 9.00 год.

Праздник Воздвиженія честного Креста є праздниом побіды. Кедь св. Константін дав свободу хрістіанству, його мати св. Єлена выбрала ся до св. Землі, де дала выбудовати много храмів, і нашла тыж велике богатство – св. Крест Господа.

Патріарха Макарій го в присутности єпіскопів, священиів і народа выздвигнув і благословив вшыткы світовы стороны. Тото одбывать ся і теперь, коли ся выкладать св. Крест на утрені. Священик ним благословить на 4 світовы стороны за співу єктенії. Потім кладе на тетрапод і люди приходять і оддавають йому честь.

Тота побіда Креста была передображена уж в старім завіті. Кедь выбраный народ ішов із Еґіпта, як настав яыйсь недостаток, народ бунтовав ся. Втогды їх кусали їдовіты гады і они громадно вмерали. Так Мойсей на божый наказ зробив мідяного гада, жебы каждый, хто посмотрив на нього, зістав жыти. Тот гад быв передообразом або протиобразом Хріста. Бо посмотріня на гада сохраняло жывот, бо тот гад є мертвый. І погляд на крест сохранять жывот по покусаню гадом діаволом, коли прступуєме з віров, же Хрістос умертвив пекелного гада на кресті. І нам подаровав вічный жывот.

Старозавітні люди сохраняли собі тот часный жывот до часу, потім вмерали. Но хто приступує ку кресту і помотрить з віров, значіть покладе тягарь своїх гріхів перед Хріста, котрый на нім умерь, зістане жыти жывотом вічным. То є посолство праздника і про нас. Слава Ісусу Хрісту!