«Слово» – 14-та неділя по Сошествії Святого Духа, праздник Успенія Пресв. Богородицы – неділя, 9.00 год.

О празднику Успенія пресв. Богородицы не находиме інформації в СВ. Письмі, але через традіцію Церькви і нашы літурґічны тексты.

З того сі можеме поскладати таку мозаїку, што одбывало ся при переході Марії до вічности, і што є посолством того праздника про нас. Пятнацять днів перед єй переходом появив ся їй архангел Гавріїл, жебы звістовав, же настав час єй повного зьєдиніня з Хрістом. Она ся на тото приготовляла постом і молитвов. Як надышов тот день, апостолы котры ся поросходили по цілім світі прповідати Євангелїє, были Божов силов згромаджены, жебы были при переході Марії. Сам Господь приходить і бере душу Маії до своїх рук. Смерть Марії была радостнов. Она цілый жывот говорила Богу: Най буде подля твойой волі. Она є передообразом і нашого воскресіня. Бо і кідь і на ню ся односив закон смерти, но на третій день воскресла, но не свойов силов, але Божов і была і з тілом прославлена і взята до небесной славы. Кідь переходиме по нашых селах ці містах, видиме єдно місце де ся находять остаткы тых, што нас опередили до вічности. З ґречтіны кімітеріон – місце сплячіх. Воскресіньом Хрістовым смерть перестала быти смертьов, є лем заснутьом. Тым куртым часом до другого приходу. Каждый чоловік є призначеный ку воксресіню. Нихто не може уникнути. Але од нас залежыть ці буде в блажености або в проклятю. Барс важны суть слова апостола Павла, же мы сьме якбы справователями Божых таємностей, выыткых дарів, котры нам Бог даровав, вшытко потрібне ку нашому спасіню. Од справователя ся выжадує, жебы ся нашов вірным. Бог хоче спасити каждого чоловіка. Але мы маме слободну волю. Марія остала вірна Богу, прото і єй смерть, або заснутя – успенїє было радостным. Прото єй просьме, жебы нам выпрошовала вірность Господу в каждій сітуації жывота. А тогды і наша смерть і наше воскресіня при другім приході буде радостным. Слава Ісусу Хрісту!