Штука в окопах першой Світовой Войны

25. серпня т.р. в Польско-Словацкым Домі ім. Д. Юрковича в Ґорлицях буде змога быти участником вернісажу вынятковой выставы Штука в окопах І Світовой Войны – запрезентуваны будут діла штукы, якы вытворены были в часі, в котрым тяжко сой уявити, же мож думати о дачым інчым, як лем о пережытю. Вказаны будут творы чешскых артистів – жолнірів австро-угорской арміі та Чехословацкых Леґійонів в Росиі, Франциі та Італиі, намалюваны в траґічных роках І Світовой Войны.

Презентуваны діла штукы становлят найцікавшу част колекциі Войскового Історычного Інституту в Празі.

Орґанізатором выставы єст Ґорлицкій Центр Культуры, Польско-Словацкій Дім ім. Д. Юрковича в Ґорлицях. Выставу буде мож обзерати од 25. серпня до 1. жолтня т.р. в будинку Польско-Словацкого Дому ім. Д. Юрковича (Ґорлиці, Рынок 1).