Што треба знати, жебы заложыти пасіку / част 2 – віторок, 18.10 год.

Дня 24. листопада/новембра 2020 р., в віторок, о год. 18.10 запрашам на другу стрічу з Андрийом Прибылом з Любіна, родом з Лісця, што ся находит на заході Польщы.

Хоц то моі реляциі нагрываны сут на Заході, то заєдно споминаме на Лемковину, прадідівску землю вшыткых нашых люди, де бы они не одышли, і де бы не были розметаны по шырокым світі.

Тепер запрашам на проґрам, якому дал єм наголовок «Што треба знати, жебы заложыти пасіку».

Заява бесіды:

Коли мате даякы звіданя до Андрия про пасічництво, то пиште в коментарях на Фейсбуку під тым мотузком. Збереме вшыткы Вашы звіданя і Вам одповіме в остатній, 4. части бесіды.

Коли мешкате на заході Польщы і хочете штоси нам повісти, поспоминати о вашым жытю на Лемковині, ци на Чужыні, то ждеме. Як бы сте хотіли нас повчыти, або оповісти про своіх предків – дідів і прадідів, так дайте знати. Як мате близко себе, в родині, когоси, з кым мали бы сме награти бесіду, пиште на адрес – mirek@lem.fm.