Што нового в бібліотеці Руской Бурсы? – вельо дарунків, за котры дякуєме!

До збіркы книжок доступных в бібліотеці Руской Бурсы фурт доходят новы книжкы, бо тіж фурт презераме што нового ся выдає і што бы могло Вас заінтересувати і тото замавляме, але тіж, што нас барз тішыт, достаєме до бібліотекы дарункы, за котры горячо дякуєме! Вельо з тых даруваных книжок то позициі, котры не сут в клясыччным выдавничым кругу, не мож іх замовити в першій ліпшій книгарни, ани навет даякій специялістычній, бо найчастійше сут то низконакладовы примірникы выдавництв печатаных інчыма орґанізациями, якы не занимают ся фаховом дистрибуцийом своіх книжок. Серед тых дарунків трафляют ся i тзв. білы крукы, книжкы ци ґазети недоступны уж практичні нияк, a вынятково цінны і завдякы приятелям Руской Бурсы і іх дарункам трафляют до чытачів на Лемковині.

Пану Павлови Стафинякови, членови і бывшому ведучому Стоваришыня Руска Бурса, дякуєме браз сердечні за другу част архівальных номерів ґазеты „Народны Новинкы”. „Народны Новинкы” – культурно-соспільний тыжденник Русинів Словацкой Республикы, печатаний од 1991 рока, як перший по комуністычным періоді часопис творений през і для Русинів, писаний в русиньскым языку (а од 1995 рока кодифкікуваным русиньскым языку). „Народны Новинкы” од початку свого істнуваня сут місцьом в цілости посвяченым презентуваню актуальных справ близкых і важных Русинам жыючым на Словациі, інформуваню о вшыткых подіях повязаных з Русинами, і то не лем тыма жыючыма на Словациі та вказуваню богатой русиньскпой культуры і істориі. Од недавна, завдякы пану Стафиняков, якій офірувал свою приватну колекцию – Русины на Лемковині мают, през бібліотеку Руской Бурсы, неограничений доступ до вшыткых архівальных „Народны Новинкы”.

Окрем того, достали сме іщы пару дарунків:

Ґмінному осередкови в Команчы дякуєме за:

• Wojciech Wesołkin, Pięć wieków Turzańska, Sanok-Turzańsk 2014;
• Historia, kultura i tradycja w 500-letniej Komańczy. Wstęp do monografii, ред. P. Królikowski і ін., Komańcza 2012;
• Śpiewnik pograjkowy pogranicza bojkowsko-łemkowskiego, опрац. P. Królikowski;
• Wojciech Wesołkin, Komańcza – 500 lat – 1512-2012, Komańcza 2012;
• Komańcza. Tam gdzie płynie Osława, текст E. Marszałek, фот.: P. Królikowski, M. Pietrzak, S. Muszański.

Од приятелів Русинів жыючых на Словациі достали сме:

• Zachrańme rusinsky jazyk pred zanikom, Bratislava 2014;
• Штудіï з карпаторусиністікы 6., ред. ПгДр. Кветослава Копорова, ПгД, Пряшів 2014;
• Русиньскій новинарь, зост. В. Ілковіч, Пряшів 2014;
• К. Мороховічова Цвик, Любовны періпетіï, Пряшів 2014;
• Ю. Харитун, Моï надіï, Пряшів 2014;
• К. Варшова, М. Ґай, Я. Гриб, М. Ясикова, Русиньскій язык про найменшых, Пряшів 2014
• O. Glosikova, Historicka a sociokulturna realita Rusinov na Slovensku, Presov 2009;
• V. Choma, M. Chomova, Vyberovy komentovany. Biograficko-bibliograficky zbornik;
• Niżna Jedlova. Kratko z historie a sucasnosti rodin obce Niżna Jedl’ova…;
• P. R. Magocsi, Naród znikąd;
• М. Ксеняк, Споминкы і очекованя;
• П. Семанцëва, Россыпаны рядкы;
• Ю. Харутин, Моï незабудкы;
• Grekokatolic’kyj Rusińskyj Kalendar’.

Особливы подякуваня хочеме преказати Юркови Федівови з  Львівского Ставропігійного Братства св. ап. Андрия Первозваного УАПЦ, якій офірувал бібліотеці Руской Бурсы дві платні ЦД:

• Ми з колядою – мультімедияльний запис різдвяного вертепу представленого през лемківскій дітячий фольклорний ансамбль Гречні фраірки з Монастыриск, з котрым діти запрезентуали ся 10. лютого т.р. в Покровскій церкви УАПЦ во Львові;
• награня Божеской Літургіі в выконаню хору УАПЦ свв. апостолів Петра і Павла во Львові.

Новозакуплены книжкы то:

• Kyczerska Łemkowyna. Opowieść o Rusinach krośnieńskich, ред. S. Dubiel-Dmytryszyn, Komańcza 2014;
• F. Kokowśkyj, Wschodnimi rubieżami Łemkowszczyzny, Komańcza 2014;
• Б. Прах, Духовенство Перемиськоï Єпархіï та Апостольськоï Аміністраціï Лемківщини, 2 томи, Львів 2015;
• I. Hałagida, Szpieg Watykanu. Kapłan greckokatolicki ks. Bazyli Hrynyk (1896-1977), Warszawa 2008;
• O. В. Іванусів, Церква в руïні, Канада 1987.

Вшыткым офіродавцям горячо дякуєме і сме переконаны, же вшыткы книжкы, ґазеты та платні підут на хосен чытачам бібліотекы Руской Бурсы!