Шорова «Руснаковиця» в Братиславі

В сувоту, 23. січня/януара т.р., в Братиславі, в Елям Клюбі (Млиньска долина), пройде шорова забава пн. Руснаковиця.

Орґанізаторами забавы сут Молоды.Русины, вєдно з радийом русин.фм та Фольклорным ансамбльом Рутенія. Ждут на Вас м.ін. школа танця, та добра музыка, о котру як все постарают ся члены Рутеніі і радийо русин.фм.

Русинаковиця, то подія, котра має скликувати головні молодых Русинів, котры наштоден прожывают в столици Словациі. Братислава стала ся міцным осередком русиньской молодіжной діяльности, завдякы радию русин.фм, покликаню ансамблю Рутенія та просто орґанізациі Молоды.Русины, котра старат ся інтeґрувати русиньску молодіж.

Долов можете пізрити на короткій фільм, промуючий діяльніст Молодых.Русинів.