Шорова проєкция фільму «Changed by Thalerhof» в ЗША

В неділю, 28. лютого/фебурара т.р., в Янґставн, в Butler Institute of American Art, штат Огайо (524 Wick Avenue Youngstown, OH 44505), одбуде ся проєкция документального фільму «Changed by Thalerhof», што в тлумачыню на лемківскій значыт «Перемінены през Талергоф». Початок од 14.00 год. Вступне дармо.

Орґанізатором єст Карпаторусиньскє Общество, одділ Янґставн-Ворен (Youngstown-Warren of Carpatho-Rusyn Society).

«Хоц може ся видіти, же тот документальний фільм є темрявий, то направду є оповіданьом о народі, котрий хоц был здесяткуваний, то одродил ся і дале, аж і тепер не мат заміру переминути» – бесідує Мария Сільвестрі, копродуцент фільму. Веце інформаций про зміст і ідею сотворіня оного фільму найдете на нашым портали, клікаючы в сес мотузок.