Східньославяньскы коляды і різдвяны пісні

О тыжден, 21. грудня т.р., во вроцлавскым клюбі Ликенд ансамбль Припадок забере нас на музычну вандрівку по мелодиях Різдвяных Свят. Вызвучат тоты колишні і тоты теперішні, тоты забыты і тоты популярны, тоты знаны і незнаны коляды і різдвяны пісні.

Ансамбль Припадок то ґрупа молодых, енерґічных Лемків, залюбленых в слявяньскій музыці предків – музыці Карпат. Головным інструментом, на котрым ся операме, єст голос, а вір інтервалів дозвалят осягнути гармонію, котра годна ввести чловека в стан рефлексиі, а заєдно выкликати позитывны емоциі – пише о собі Припадок. Тым разом ансамбль выступит в товаристві музыків ґрупы Етноголік, вокально-інструменатальной ґрупы з Вроцлавя, якой головном інспірацийом єст традицийний фольклор і сучасний фольк.

На спільне співаня ансамблі Припадок і Етноголік просят на 21. грудня на 19. годину до клюбу Ликенд (Вроцлав, ул. Подвале 37/38).

Всутп 10 зл.