Шандор Бонкало, творця русиньской філолоґіі в Будапешті – «З лемківского архіву» – четвер, 21.00 год.

Шандор Бонкало (1888 – 1959) выxовал ся в мішаній мадярско-русиньскій родині на Підкарпатскій Руси. Мал остати священником, але почул міцне покликаня до інчой роботы, в якій осягнул вынятковы успіxы – была то література. Барз добрі знал пару языків, але його улюбленыма были слявяньскы языкы, а посеред них – русиньскій. Хоц його наукову карєру на університеті перервали політычны переміны на Мадяраx, знал зробити велику карєру як радийовец і тлумач.

Hа премєру «З лемківского архіву» запрашаме в четвер о 21.00 год. Повториме го о 3.00, 9.00 та 15.00 год. наступного дня і в суботу о 16.30 год. за лемківскым часом. Лем в лем.фм!