Семінарь о Н. Бескидови в Пряшові

Русиньске културно-освітнє общество Александра Духновіча в Пряшові в співпраці з далшыма інштітуціями приготовило на суботу 9-го новембра научный семінарь під назвов: Николай Бескид в русиньскій історіоґрафії і народнім руху – іншпірація про сучасность. Подія одбуде ся з нагоды 130-го выроча од народжіня то вызначного представителя Русинів.

Николай Бескид быв ґрекокатолицькым священиком, културным і політічным діятельом. Быв редактором і основательом новинок „Голось русскаго народа“ (1920), котры поширьовали ся на Пряшівскій Руси. Быв співзасновательом Руськой народной Партії (1919), председом Общества Александа Духновіча в Ужгороді. Николай Бескид, окрім іншого, крітіковав чехословацьку владу, же не дала Підкарпатьской Руси автономію так, як Русинам было приречене.

Научный семінарь зачне выставков о жывоті N. Бескида, котра є выготовлена на основі автентічных документів. Подія зачне о 9.00 год. в просторах рештаврації Grand на Намістю леґіонарів в Пряшові.

Петро Медвідь

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Повязаны дописы

Папа призначів єпіскопа про Єпархію Фінікс. Отець Артур Бубневіч є родаком із Перечина

Вкрали штырі Королевы, але дві вышмарили на улицю

Łemkowie są…