Семінар о діалекті села Пача

Інштітут русиньского языка і културы Пряшівской універзіты в Пряшові рихтує на 9-го мая вже 48-ый научный семінар з карпаторусиністікы. На семінарі буде бісідовати ся о діалекті села Пача.

На найблизшім семінарі буде выступати гость із Чеськой републікы. Лекцію на тему Шпеціфікы діалекту села Пача (окр. Рожнява) в контексті русиньскых діалектів на Словакії буде чітати Мґр. Михал Вашічек, ПгД. із Славяньского інштітуту Академії наук Чеськой републікы в Празі. Вже традічно в проґрамі семінара буде і презентація найновшых выдань з карпаторусиністікы.

48-ый научный семінар з карпаторусиністікы одбуде ся 9-го мая 2018-го року о 13.00 год. в засiдалнi Consilium maius (2. шток, ч. 328) Ректорату Пряшівской універзіты на уліці 17. новембра ч. 15 в Пряшові.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА