«Сакрум і профанум» в Ряшові

Стоваришыня для Розвитку і Промоциі Підкарпатя ПроКарпатія та Ряшівскій Університет – Заклад Архітектуры Краєвиду просят на наукову конференцию Сакрум і профанум, яка одбуде ся 7. квітня т.р. на Ряшівскым Університеті.

Пропонуваны тему конференциі то:

• дерево в натуральным краєвиді,
• деревяна архітектура традицийного села,
• деревяна забудова малых місточок,
• дерево як елемент старого міста,
• дерево на бльоковисках,
• дерево в новій єднородинній забудові.

Зголошувати участ в конференциі мож до 15. марця – треба выполнити формуляр і запропонувати тему выступліня. Участ в конференциі єст безплатна. По конференциі остане выдана моноґрафія, в якій опубликуваны останут позитывні зрецензуваны дописы выступлінь. Ведучым проґрамовой рады конференциі єст др габ. інж. арх. Піотр Паточка, проф. РУ.

фот. Каміль Палюшек