Рыхтуєме ся на Великден – малюваня яєц в Рускій Бурсі

Декотры Русины уж певно забыли, як мусіли долго постити, пак прятати обыстя і білити хыжы 😉 і, очывидно, печы паскы на піл пеца. Так ся поскладало, же того рока вшыткы, котры ідут григоряньскым календарьом, сут уж по святах, а тоты, котры празднуют за старым стильом – допіро зачынают рыхтувати ся до Великодня.

Традицийні, рік-по-рік, Стоваришыня Руска Бурса сердечні просит на Варштаты Малюваня Яєц. В остатніх двох місяцях такой в каждым кутику світа Русины прикрашали великодны яйця, та такой стрічы не може бракнути і на Лемковині. Як все, в Квітну Неділю (для празднуючых за юлияньскым календарьом то 24. квітня/апріля), видиме ся в Рускій Бурсі, жебы ставляти криску за криском, крапку за крапком, пак мочыти во фарбах, а в ефекті отримувати прекрасны писанкы до нашых кошыків зо свяченином.

Того рока, окрем традицийного батканя воском, спрібуєме дашто нове. Придадут ся пончохы 🙂

Початок 15.00 год. Запрашаме!

Пониже, припоминаме част архівальных вытворів єдного з інструкторів – Андрия Малецкого. Надієме ся, же знимкы заохотят вас до малюваня самому, а кєд – ніт, конечні придте до Руской Бурсы в Квітну Неділю, хоц-бы лем зато, жебы посмотріти, як баткают інчы!