Руска Бурса рыхтує ся на Різдво

29 грудня того рока запрашаме до Руской Бурсы в Ґролицях на передвелийну стрічу.

Од 12 годины запрашаме вшыткы діти (і вшыткых охочых старшых тіж!) до участи в плястычных варштатах, якы попровадит Анна Кырпан (абсольвентка школы проєктуваня ґрафікы). Навчыме ся робити традыцийны прикраскы на яличку, а што не возмете домів, то повісиме на бурсяній яличці.

Пак, од 15 години – перогова гостина!

Помалы стає ся уж традыцийом, же перед Святым Вечером стрічаме ся скорше в Рускій Бурсі на спільным прібуваню велийных страв. Так буде і того рока. Головным пунктом проґраму тогорічной стрічы будут велийны перогы. Але жебы кус розвияти нашы кулінарны осягніня і не ограничати ся лем до перогів з капустом і грибами, оголошений остал конкурс на найчуднійшого/найчудачнійшого (але пістного) перога. Хто принесе найцикавшу пропозицию – буде нагороджений.

В імени орґанізаторів сердечні запрашаме!
А так было в минулым році – знимкы)