„Русиньскы приповідкы – богатство народа”

По штырьох роках роботы при проєкті Русиньскыы приповідкы – богатство народа явил ся перший з двох кружків з авдийонагранями русиньскых байок, якого выдавцьом є орґанізация Молоды.Русины. Перший етап зышол на позбераню приповідок, головні по селах, серед Русинів. Пак, по іх селекциі і награнях, част байок была презентувана на антені радий русин.фм та лем.фм. В остатнім часі выбраных остало 17 байок – част то народны приповідкы незнаного авторства, а част то сучасны авторскы байкы. Ініциятором проєкту єст Петро Штефаняк, за драматычну обробку одовідат Яна Трущыньска-Сива, а акторскій професийональний голос в награных байках то уж робота акторів Театру ім. А. Духновича в Пряшові. Автором музыкы є знаний слухачам радия лем.дм Владислав Сивий, а автором ґрафікы Браньо Шандала (автора ілюстраций до книжкы з байками Людмілы Шандаловой, книжку, котра розышла ся нам одраз, зас можете купити на нашым портали, за тым мотузком).

Кружок выдано в накладі 500 примірників, якых дистрибууваны будут медже школы, стоваришыня, клюбы, сельскы уряды та інчы орґанізациі. Проєкт был фінансуваний з ґранту Культура Нацийональных Меншын Уряду Власти Словациі.