Русиньскій язык, русинська бурса, русиньска “Терочка” – днес во Свиднику

Во Свиднику днес третій ден 3. Русиньского Фестівалю.

О 11.00 год. в Ґімназиі ім. Дукляньскых Героів (Gymnázium duklianskych hrdinov, Komenského 16, Svidník) запрезентує ся Інститут Русиньского Языка і Культуры Пряшівского Університету, котрий, як Катедра Русиньского Языка і Культуры, возник в рамках Інституту Народностных Студий і Чужых Языків в 1998 р., а од 2008 єст окремом єдиницьом Пряшівского Університету. Інститутови Русиньского Языка і Культуры шефує доц. Анна Плішкова.

Свидницкє пополудне буде проходило під знаком Руской Бурсы з Ґорлиц, котра о 16.00 год. в Піддукляньскій Бібліотеці (Podduklianska knižnica vo Svidníku) запрезентує ся в ріжнорідний спосіб, ідучы на фестіваль разом з діючым при бурсі діточо-молодіжным ансамбльом “ТЕРОЧКА”. Обізрийте/послухайте, як они співают!

Заран, в четвер 28. мая, 19.00 год. одбуде ся презентация книжкы “Андрей Ґавуля” та проєкция фільму і бесіда.

Од пятниці 29. мая, фестіваль перенесе ся уж до свидницкого амфітеатру, в котрым до неділі 31. мая выступит парудесят ансамблів і солістів. За детальнійшыма інформациями позерайте долов, або на сайті фестівалю www.rusinskyfestival.sk.