Ретрансмісия з 5-ой річниці ансаблю “Гудацы”

22 листопада 2013 рока в місцевости Кольбушова мала місце 5 річниця ансамблю Гудацы. Ансамбль тот возникнул в жолтни 2008 рока. Стрітили ся в ним люде, котры уж скорше грали лемківску і польску музыку. Од початку єдныном цілю групы было граня і співаня в стылю музыкатів, котры за часів австро-мадярской монархіі вандрували через Карпаты і глядали заробку. Тоты люде грали на весілях, кстинах і гулянках од Жывца в польскым Шлескым Бескіді аж по Румунію на сході. Вытворили они специфічний стыль граня, котрий пак розповсядил ся з гір на долины. Прото, же Австро-Мадряры были вельокультуровы, музыканти грали творы походячы з ріжных традыций: словацкой, польской, румуньской, украіньской, лемківской, циганьской як тіж жыдівской. Ансамбль Гудацы выконує творы, котры остали по колишніх карпатскых музыкантах. Гудацы співают по польскы, русиньскы, словацкы і циганьскы. В своім артистычным доробку мают чысленны концерты в Польщи і за границьом як тіж дві платні, котры сут результатом іх музычных подорожи.

Ансамбль творят:

Ярко Мазур – гармошка
Яков Авґустын – басы
Магда Кусяк – гушлі