Реляция з концерту “Терочкы” в Рускій Бурсі – неділя, 20.00 год.

Кєд сте уж забыли о Різдвяных Святах, або уж ся Вам за нима цне, запрашам на проґрам Языковий Гокус Покус, в котрым послухате о лемківскых велийных, різдвяных традициях, а пак “Терочка” заспіват Вам пару лемківскых колядок.

Жебы іщы барже Вас заохотити, посмотрте долов на відеозапис знаной в цілым світі коляды “Тиха ніч”, до котрой лемківскы слова написал Петро Мурянка (найдете іх тіж в тым відео).

Языковий Гокус Покус – радийовий проґрам про лемківскій язык во вшыткых його аспектах і просторах. Премєра в неділю 11. січня о 20.00 год., повторіня в понедільок 12. січня о 2.00 і 8.00 год. за лемківскым часом. Лем в радию лем.фм!