Реляция з 7. річниці ансамблю “Гудаци” – субота, 20.00 год.

Радийо лем.фм просит Вас на подорож в часі. Уж днес вечером перенесеме ся два тыжні дозаду до місточка Кольбушова і іщы раз пережыєме тото, што ся гын діяло. А діяло ся вельо. Близкій нашому радию ансамбль Гудаци празднувал сім років свойой діяльности. Як што рока, жде на Вас богатий артистычний проґрам, котрий находит ся на плякаті долов.

В тым році вельо несподіванок для любителів ансамблю і, як все, весела, щыра, тепла атмосфера.

Заохочуєме вшыткых до одслуханя той обшырной реляциі, особливо приятелів ансамблю, котры самы не могли взяти участ в подіі, будут специяльны поздоровліня для выбраных.

Просиме на імпрезу до «старых»-«новых» Гудаків.