Радийо ЛЕМ.фм красні просит – «Говорить Пряшів» – пятниця, 18.10 год.

Коли мате вільный час, товды з нашой страны може быти лем єдна порада. Залучайте си наше радийо. З ним промине Вам тота добра хвиля. З ним буде Вам весело і поучытельно.

Хоц тота пятниця офіцияльно робоча, то ци не більшіст з нас дала сой сама свобідный час? Тоты з чужыны, здає ся, гурмом вернули ся на хвилю домів. На Лемковині видіти мож в тых днях што кус реґістрацийны таблиці з чужыны. «DL…», «DLU…», «DPL…» і так дальше. Значыт – памятаме на свій рід. То добрі.

На Лемковині, так як і на чужыні, чути наше радийо. Чути, гейбы весільше – серед зеленых гірскых лісів, чудовой природы і чыстой воды. Най бы лем дакус веце сонечка было, бо уж гырміня старчыт.

Під сам вечер, рівно о год. 18.10. залучыти треба радийо ЛЕМ.фм. В ним же, подля принятого порядку, премєровый одтинок проґраму «Горовить Пряшів». Дознаме ся, што чути в нашых братів – Руснаків од Пряшова по Ужгород і Тячів.