Радістну віст несут нам дзвоны… Христос Воскрес!

Радістну віст несут нам дзвоны. Віст тота розносит ся скоро, наполнят людскы серця і доходит до найнедоступнійшой закутины. Христос воскрес! Христос воскрес! – повторюют днеска все, стары і молоды, богаты і бідны, здоровы і недужны.

Вшыткым нашым Приятелям, Слухачам і Чытачам щыро желаме веселых Свят Христового Воскресіня. Знаме, што праздник тот приносит полноту надіі і розвеселят нашы серця.

В тых тяжкых часах войны великодніма думками будеме предовшыткым з нашыма родинами і камаратями на Украіні. Віриме в справедливый мир і перемогу добра над злом.

Спомнийме і на нашых предків, што 75 років тому были насильно выселены з Лемковины. Пізнійша іх впертіст дала надію дальшым поколіням.

Христос Воскрес!
Воістину Воскрес!

Стоваришыня «Руска Бурса» в Ґорлицях,

 редакция ЛЕМ.фм