«Радийочытальня»: Згода – субота, 18.00 год.

Запрашаме на шестый одтинок «Радийочытальні». Днешній авдициі наперекір дали сме наголовок «Згода», зато же головном темом чытаных текстів сут конфлікты медже людми і проба представліня іх консеквенций.

Непорозумліня то явиско, якє звязане єст з соспільным, штоденным жытьом. Але треба мати свідоміст, же вшелеякы свары барз ослабляют єдиниці або цілы сконфліктуваны ґрупы. Нам, Русинам, ріжны поділы сут барз близкы – ділиме ся зо взгляду на політичны переконаня, реліґію ци аж і місце прожываня. Часто не даст ся найти в тым вшыткым середины, але повинны сме тримати ся своіх правд і єдночасно не атакувати тых, котры думают по другому.

Як тота тема представляна єст в лемківскій літературі можете послухати в суботу, 29. лютого/фебруара 2020 р., о 18.00 год. Сердечні просиме!