«Радийочытальня»: Яр – субота, 18.00 год.

Запрашаме на девятый зеленый одтинок авдициі «Радийочытальня». Днес будеме чытати тексты о яри.

Яр, інакше весна, то для вельох найкрасша зо вшыткых пора рока. Природа по зимовій перерві будит ся до жытя, ден єст штораз долшый, квитнут квіткы, а звірята будят ся зо зимового спаня або вертают з теплійшых сторон світа.

Днес як раз припадат початок календарьовой весны, зато очывидном єст тема того одтинка.

Запрашаме на девятый одтинок «Радийочытальні» в суботу, 21. марця 2020 рока, о 18.00 годині.