«Радийочытальня»: Вода – субота, 18.00 год.

Сердечні просиме на черговый, 52. одтинок проґраму «Радийочытальня». На тот раз кус приближыме літературны тексты і пісні, в котрых в даякій спосіб явит ся мотив воды.

Каждый чловек ма свідоміст значыня воды для жытя. Єст необхідна для вшыткых жывых орґанізмів. Хоц вода знат ся самоочыщати, то люде брудят єй так міцно, же штораз тяжше тепер о направду чысту і здорову воду.

Запрашаме на авдицию в суботу, 6. лютого/фебруара 2021 рока, о 18.00 год., повторіня в неділю, 7. лютого/фебруара, о 17.00 год.

Фото. Петро Басалыґа