«Радийочытальня»: Владимір Хыляк – субота, 18.00 год.

Запрашаме до выслуханя 26. одтинка «Радийочытальні». На тот раз будеме
бесідувати про творчіст клясика лемківской літературы, выдатну лемківску
особливіст, писменника, фельєтоністу, публицисту, соспільного діяча,
пропаґатора Лемковины і священника – Владиміра Хыляка.

Єст він безсперечно найвыдатнійшым лемківскым творцьом другой половины ХІХ столітя, найздібнійшым нашым прозаіком.

Сердечні запрашаме на авдицию в суботу 1. серпня/авґуста в на 18.00 годину. Повторіня проґраму в неділю 2. серпня/авґуста о 17.00 год.