«Радийочытальня»: Хыжа – субота, 18.00 год.

Щыросердечні просиме на 63. одтинок проґраму «Радийочытальня». Днес будеме презентувати тексты о хыжы.

Рідна хыжа, дім найчастійше асоциює нам ся зо щестьом. Створіня правдиві теплой хыжы єст барз важне в процесі выхованя і социялизациі чловека. Певне єст, же родинна хыжа і добра, дбаюча родина дают почутя безпекы, вчат пошаны і любови до інчых, вводят одповідній систем вартости. Хыжа то штоси веце як лем будинок. Найбарже знаме тото доцінити, коли стаєме ся старшы.

Запрашаме на авдицию в суботу, 24. квітня/апріля 2021 рока, о 18.00 год., повторіня в неділю, 25. квітня/апріля, о 17.00 год.

Фото. П. Басалыґа