«Радийочытальня»: Горы – субота, 18.00 год.

Сердечні запрашаме на 29. одтинок проґраму «Радийочытальня», в
котрым традицийні будеме припоминали літературны тексты
русиньскых авторів. На тот раз тема знана і люблена хыбаль през вшыткых Русинів: ГОРЫ.

Мы, Лемкы, знаме доцінити красу нашых гір, што одзеркалят ся в співанках і нашій літературі. З ґеоґрафічного пункту пізріня горы, то лем різба терену. Нашы Горы Карпаты з огляду на свій невантпливый чар, красу і природу, притігают туристів з ріжных сторон світа. Змучены люде приізджают гев, жебы одпочати, подивляти краєвиды і дику природу. Єднак для Русина Горы, то дашто веце, як лем сама краса, то маґія і місце, котре фурт притігат, то наша Отчызна, іщы барже доціняна по выселенчых акциях.

Запрашаме на авдицию 22. серпня/авґуста на 18.00 год., повторіня в
неділю 23. серпня/авґуста о 17.00 год.