«Радийочытальня»: Богдан Ґамбаль – субота, 18.00 год.

Сердечні просиме на 73. одтинок проґраму «Радийочытальня». Днес будеме споминати нашого приятеля, выдатного русиньского діяча, основателя першого лемківского радия Лем.фм – Богдана Ґамбаля.

Хоц час скоро минят, фурт тяжко о ним бесідувати в минулым часі. Смерт забрала го несподівані і за скоро. Богдан Ґамбаль был чловеком великого формату. Мал велику вражливіст, емпатию і вычутя. Был дочыста залюбленый в Лемковині, в єй языку, культурі, істориі і традициях. Посвятил ій вшыткы своі таланты, енерґію і серце.

Запрашаме на авдицию в суботу, 3. липця/юлия 2021 рока, о 18.00 год., повторіня в неділю, 4. липця/юлия, о 17.00 год.