«Радийочытальня»: Анна Гальчак – субота, 18.00 год.

Запрашаме на тринадцетый одтинок «Радийочытальні», в котрым будеме чытати тексты Анны Гальчак.

Днеска будеме бесідувати о Анні Гальчак – поетці добрі знаній ученикам лемківского языка, але тіж вшыткым любителям русиньской літературы.

Вродила ся Анна Гальчак 18. квітня/апріля 1929 рока в Меджелабірцях, з родовым назвиском Анна Густяк. Тяжкє мала дітинство, понеже в осмым році жытя вмер ій отец, маючы лем 34 рокы. Мати скоро другіраз ся оддала, а Ганцю выслала на наукы до оддаленых о 500 км од Меджелабірців Батовян. Власні ту, бануючы за рідныма сторонами, рідномом культуром, зачала складати – на взір народных пісен – своі вершы. Барз тепло оцінила тото писаня єй учытелька. І так зачала ся єй пригода з літературом.

Просиме на нашу авдицию в суботу, 18. квітня/апріля 2020 рока, о 18.00 годині.